Në këtë periudhë, pothuajse në të gjitha shtetet perëndimore ku jeton Diaspora shqiptare, kanë nisur pushimet verore dhe kjo ka bërë që bashkatdhetarët tanë të fillojnë fluksin e kthimit duke ruajtur traditën e të pushuarit në atdhe.
Dyndje makinash janë raportuar në pikat kufitare, ndërsa shqiptarët e të gjitha trevave synojnë të kalojnë ditë relaksi në vendin e tyre të lindjes së bashku me familjet e tyre.
Ardhja e tyre është xhiruar në pikat kufitare Hungari-Serbi, Maqedoni e Veriut-Kosovë, Kroaci-Serbi dhe Serbi-Maqedoni e Veriut. Kjo lëvizje masive është transmetuar edhe në mediat kosovare, të cilat i kanë kushtuar edhe një minutazh të konsiderueshëm.
