Tri ditë nga zgjedhjet e 30 qershorit, Komisioni Qëndror i Zgjedhjeve ka bërë publik të tjera shifra lidhur me pjesëmarrjen, si edhe numrin e fletave të pavlefshme.
Sipas KQZ, procesin e 30 qershorit rezulton se kanë marrë pjesë në votime 812.249 zgjedhës, ose 22.97 % e numrit të përgjithshëm të zgjedhësve prej 3.536.016.
“Numri i përgjithshëm i votave të vlefshme për Kryetar bashkie është 765.825 ndërsa për këshill bashkiak, 760.933. Numri i përgjithshëm i votave të pavlefshme për kryetar bashkie është 45.276, ndërsa për këshillat bashkiak është 49.986. Në këto të dhëna mungojnë numri i fletëve të votimit të dëmtuara apo të hedhura në kutinë e gabuar.” - njoftoi KQZ përmes zëdhënëses Drilona Hoxhaj.
