Nata e parë e Festivalit të RTSH-së pati një momenti paksa të sikletshëm për një nga këngëtarët konkurrentë. Gjatë performancës së Redon Makashit, muzika ndali sapo ai kishte nisur të këndonte.
Redoni, si një artist profesionit që është, e mori me shumë sportivitet dhe kërkoi nga publiku në sallë një duartrokitje për orkestrën. Menjëherë në skenë u ngjit dhe moderatori Adi Krasta, i cili duke iu referuar kërkesës së Redonit tha: “Po. Një duartrokitje për orkestrën edhe pse ajo s’ishte në terezi”.
Nga ky shpjegim u kuptua se gabimi ishte i orketrës, por mbrëmjen e dytë të festivalit, Krasta sqaroi se gabimi ka qenë në audion e jashtme të televizionit dhe jo i saj.
“Ka qenë një gabim në audion e jashtme të televizionit, jo i orkestrës. Orkestra e TVSH nuk mund të gabojë”, - tha Krasta.
