Bleona Qerreti ishte një nga të ftuarat në festën post-Oscar, organizuar nga “Vanity Fair”, si dhe në festën e organizuar nga Elton John për të parë ceremoninë prestigjioze.
Por, emri i saj nuk ishte i vetmi emër shqiptar në festat me të ftuar emrat më të famshëm të botës së kinemasë.
Tre stilistë shqiptarë gjithashtu u bënë pjesë e organizimeve prestigjioze nëpërmjet krijimeve të tyre. Bëhet fjalë për stilisten Rezarta Skifteri, që kishte dizenjuar fustanin e Bleona Qerretit.
Yvonne Orji e veshur me Valdrin Sahiti
Në të njëjtën festë, ka spikatur edhe emri i stilistit Valdrin Sahiti, pasi aktorja Yvonne Orji u fotografua në tapetin e kuq, e veshur me një krijim të stilistit nga Kosova. Një tjetër surprizë ishte edhe stilistja gjithashtu nga Kosova, Kaone Duriqi.
Nikki Novak e veshur me Kaone Duriqi
Fustani i saj, i ngjashëm me atë të Hirushes, u vesh nga aktorja Nikki Novak në tapetin e kuq të ceremonisë së ndarjes së çmimeve Oscar, një sukses i jashtëzakonshëm për stilisten.
