Muharrem Rreshka, autori i vrasjes së vëllait të tij Eqerem Rreshkës, do të lihet në burg pas masës së caktuar nga Gjykata e Durrësit. Sipas hetimeve të kryera konflikti që më pas përfundoj në vrasje, kishte në qendër mosmarrëveshje për pronësinë nga të dy vëllezërit.
Ngjarja tragjike ndodhi në fshatin Agnos, në Kavajë, ku 74-vjeçari Eqerem Rreshka humbi jetën si pasojë e një konflikti me vëllain e tij, për motive të dobëta. Viktima kishte shkuar për të marrë dengje bari me zetor në token e tij, dhe pasi i kishte ngarkuar, gjatë kthimit në shtëpi ishte takuar me vëllain e tij më të madh, Muharrem Rreshka, 76 vjeç që është edhe autori i vrasjes. Burimet bëjnë me dije se 76-vjeçari i kishte thënë vëllait të mos kalonte në atë rrugë, ndërsa 74-vjeçari e kishte shtyrë me zetor.
