Një aksident i rëndë ka ndodhur paraditen e sotme te “Shkalla e Tujanit” në Tiranë. Bëhet e ditur se një motor është përplasur me një makinë.
Si pasojë e aksidentit kanë ndërruar jetë dy persona, drejtuesi i motorit dhe pasagjeri. Policia ndodhet në vendin e ngjarjes për zbardhjen e rrethanave të aksidentit.
Njoftimi i policisë:
Më datë 14.05.2025, rreth orës 02:30, në aksin rrugor “Shkalla e Tujanit”-Zall Dajt”, dyshohet se automjeti me drejtues shtetasin O. C., 24 vjeç, është përplasur me motomjetin me drejtues shtetasin B. H., 23 vjeç dhe pasagjer shtetasin O. L., 18 vjeç. Si pasojë e aksidentit kanë humbur jetën shtetasit B. H. dhe O. L.
Shërbimet e Policisë kanë shoqëruar dhe arrestuar drejtuesin e automjetit, shtetasin O. C., i dyshuar për shkelje të rregullave të qarkullimit rrugor. Grupi hetimor vijon punën për zbardhjen e rrethanave të aksidentit.
