Autoritetet belge kanë zhvilluar së fundmi një operacion antidrogë ku kanë zbuluar 3 plantacione me marijuanë. Mësohet se në këto plantacione janë zbuluar rreth 1700 bimë marijuane. Më tej raportohet se bimët u gjetën në Liège dhe Sprimont të Belgjikës.
Zyra e prokurorit publik të Lièges në një deklaratë për shtyp të premten në mëngjes u shpreh se 5 persona u arrestuan. Të arrestuarti mësohet se janë me shtetësi shqiptare. Pesë kontrolle u kryen të enjten në Liège dhe Sprimont si pjesë e një rasti të prodhimit të drogës i hapur në fund të vitit 2024 nga hetuesit nga zona e policisë lokale Secova.
“Tre plantacione aktive u çmontuan, në total rreth 1700 bimë. Pesë persona me origjinë shqiptare u arrestuan” tha zyra e prokurorit të Liege në një deklaratë. Gjithashtu janë sekuestruar tre automjete, rreth 5000 euro, lëndë narkotike dhe materiale ambalazhimi.
