Një 77-vjeçar ka humbur jetën në një aksident të ndodhur në aksin Lushnje-Fier, ku një motomjet përplasi për vdekje një këmbësor. Drejtuesi i motorit dyshohet se humbi kontrollin dhe për pasojë përplasi të moshuarin.
Fillimisht si drejtuesi i motomjetit dhe këmbësori mbetën të plagosur dhe u transportuan në spital. Por më pas u raportua se 77-vjeçari Hakim Maledhi nuk i ka mbijetuar dot plagëve të marra nga përplasja dhe ka ndërruar jetë në spital. Grupi hetimor po punon për sqarimin e plotë të rrethanave dhe shkakut të aksidentit.
