Një ngjarje e rëndë ka ndodhur paraditen e sotme në fshatin Grecalli, Fier. Një fermer 60-vjeçar ka ndërruar jetë pasi dyshohet se e ka zënë poshtë zetori teksa ka qenë duke e rregulluar. Ai është gjetur nga fqinjët i pajetë poshtë gomës së zetorit, pranë banesës së tij.
"Rreth orës 09:30, në fshatin Grecalli, shtetasin A. S., rreth 60 vjeç, dyshohet se duke kontrolluar mjetin bujqësor që kishte në pronësi, e ka zënë rrota e mjetit. Si pasojë ai ka humbur jetën. Grupi hetimor është në vendngjarje dhe po punon për zbardhjen e rrethanave të rastit.", informoi sot policia.
