Banorët e fshatit Zboq në bashkinë e Maliqit, u ngritën sot në protestë për shkak të kushteve të vështira infrastrukturore. Ndër problematikat e shumta mbetet mungesa e ujit të pijshëm, të cilin ata e sigurojnë nga një burim që ndodhet në teqënë e fshati. Ndërsa për higjenën dhe nevojat e tjera, banorët ende mbushin ujë nga ulluqet e shiut dhe nga lumi i cili kalon në afërsi të fshatit.
Sipas tyre për këtë situatë janë vënë në dijeni autoritetet dhe i është kërkuar të asfaltojnë 1 km rrugë, por nuk ka pasur asnjë reagim. Ndërsa ura që lidh aksin kryersor Lozha - Maliq me fshatin Zboq është në kushte të kqija dhe rrezikon jetën e banorëve.
“Faleminderit që keni ardhur në fshatin Zboq. Ne jemi gjithsej 15 familje. Jetojmë në kushte shumë të vështira siç e shikoni vetë, ku bashkia dhe komuna nuk na ka ndihmuar fare, as për rrugë, as për ujësjellësa dhe as për fëmijë. Rruga na e vështirëson shumë jetesën, rruga është shumë e keqe, bën tym makina, fëmijët kalojnë këtu. Nuk kemi ujë të pijëshëm fare”, shprehet një nga banorët në protestë.
