Një shqiptar, 32 vjeç dhe një grek, 34-vjeç janë arrestuar këtë të premte. Gjithashtu është shpallur në kërkim dhe një person tjetër.
Ata akuzohen për veprën penale “Trafikim i lëndëve narkotike”. Sipas medieve të huaja, policia greke ka zbuluar një sasi droge dhe një arsenal të madh armësh në Rethymno.
Operacioni është zhvilluar në një vilë 4-katëshe, ku u zbulua një laborator i kultivimit të marijuanës. Në të u gjetën 557 bimë marijuanë dhe 34 kg 476 gram marijuanë. Kontrollet e policisë kanë zbuluar edhe 10 armë zjarri automatike si dhe 13 mijë e 65 euro.
