Ishte vetë Presidenti i zgjedhur i SHBA-ve, Donald Trump ai i ra ziles së famshme të hapjes së bursës së Nju Jorkut këtë të enjte. Nderimi erdhi menjëherë pasi ai u shpall për herë të dytë nga revista “Time” si “Personi i vitit”. Nderimet për biznesmenin e kthyer në politikan kanë pësuar një rikthim të jashtëzakonshëm, nga një ish-president i izoluar, i cili refuzoi të pranonte humbjen e tij në zgjedhje 4 vjet më parë, në një president të zgjedhur që fitoi Shtëpinë e Bardhë në mënyrë vendimtare në nëntor.
Përpara se Trump t'i binte ziles së hapjes së bursës në orën 9:30 të mëngjesit, për herë të parë, ai foli e quajti atë "një nder të jashtëzakonshëm". "Revista Time, ma ka dhënë këtë nder për herë të dytë. Mendoj se më pëlqen më shumë këtë herë në fakt" - tha ai. Trump, i shoqëruar nga gruaja e tij, Melania Trump, vajzat Ivanka dhe Tiffany dhe zëvendëspresidenti i sapozgjedhur JD Vance, buzëqeshte teksa njerëzit brohorisnin "SHBA" përpara se ai të çelte ditën për tregtarët e aksioneve. Më pas ngriti lart grushtin.
Në fjalët e tij, ai promovoi disa nga njerëzit që ka emëruar në administratën e tij të ardhshme, duke përfshirë të zgjedhurin si Sekretar të Thesarit Scott Bessent, duke përmendur edhe disa nga politikat e tij, duke përfshirë një premtim se qeveria federale do të përshpejtojë lejet për projekte dhe ndërtime me vlerë më shumë se 1 miliard dollarë.
“Unë mendoj se do të kemi një ecuri të jashtëzakonshme. Ne duhet të zgjidhim disa probleme, disa probleme të mëdha në botë” - tha Trump.
Sam Jacobs, kryeredaktori i revistës “Time” e bëri njoftimin në emisionin "Today" të NBC, duke thënë se Trump ishte dikush që "për mirë apo për keq, kishte pasur ndikimin më të madh në lajme gjatë vitin 2024". Trump ishte personi i vitit i “Time” edhe në 2016, kur u zgjodh për herë të parë në Shtëpinë e Bardhë. “Ky është dikush që bëri një rikthim historik, që riformoi presidencën amerikane dhe që po riorganizon politikën amerikane”, tha Jacobs.
Në një intervistë me revistën që u botua të enjten, Trump foli për fushatën e tij të fundit dhe fitoren në zgjedhje. “Unë i quajta ato “72 ditët e furisë”, - u shpreh Trump. “Ne goditëm nervin e vendit. Vendi ishte i zemëruar.”
Teksa Trump shënoi fillimin ceremonial të bursës së Nju Jorkut, kopertina e revistës “Time” që e shfaqte atë u projektua në një mur. Ai u rrethua nga familja dhe anëtarët e administratës së tij të ardhshme teksa luhej kënga e tij e preferuar, "God Bless the U.S.A.". Më pas, ai u kthye në shtëpinë e tij në Florida.
Bursa e Nju Jorkut fton rregullisht të famshëm dhe liderë biznesi të marrin pjesë në ceremoninë e zile,s e cila është bërë një shënues i kulturës dhe politikës. Trump ka qenë prej kohësh në faqen e parë të “Time”, ku ai u shfaq për herë të parë në vitin 1989. Ai ka pretenduar (në mënyrë të rreme) se mban rekordin për paraqitjet në atë kopertinë pasi “The Washington Post” raportoi në vitin 2017 se Trump kishte një fotografi të rreme të tij në kopertinën e revistës së varur në disa nga klubet e tij të golfit të vendit.
Në fillim të këtij viti, Trump dha intervista për revistën për një lajm që u botua në prill. Pronari miliarder i “Time”, CEO i Salesforce, Marc Benioff, kritikoi Harrisin që nuk i dha revistës një intervistë gjatë fushatës së saj me Trump. Në intervistën e tij të fundit, Trump ripohoi planet për të falur shumicën e të dënuarve në trazirat e Kapitolir të SHBA më 6 janar 2021. "Do të filloj që në orën e parë," tha ai për faljet.
Ai tha se nuk do t'u kërkonte anëtarëve të administratës së tij të nënshkruanin një zotim besnikërie. "Unë mendoj se do të jem në gjendje, në pjesën më të madhe, të përcaktoj se kush është besnik" - tha ai, por shtoi se do të shkarkojë këdo që nuk ndjek politikat e tij. ©LAPSI.al
