Mediat italiane i kanë kushtuar vëmendje rastit të një 21-vjeçareje me origjinë shqiptare që u gjet e pajetë në mars të vitit 2021 në një apartament në periferi të Torinos. "Corriere della Sera" shkruan se vdekja e Sonila Canit është ende e mbuluar me mister.
Dyshimet janë e reja është shfrytëzuar seksualisht nga bashkëshorti i saj që ishte pjesë e një rrjeti shqiptar që drejtonte një rrjet prostitucioni në qytetin piemontez. Detajet dolën nga hetimet e thelluara pas një operacioni të koduar “Mariposa” të skuadrës lëvizëse e cila javën e kaluar ekzekutoi 5 masa paraprake për persona të akuzuar për krime të tilla si nga grabitja apo ndihma dhe nxitja e emigracionit të paligjshëm.
Për këtë çështje janë 16 persona nën hetim. Sipas prokurorisë së Torinos, siç raporton gazeta "La Stampa", vajza mund të jetë shtyrë për të kryer vetëvrasje. Hetimet po koordinohen nga prokurorja Valentina Sellaroli. ajo që ndodhi atë pasdite të 21 marsit 2021 mbetet një mister.
Sonila telefonoi prindërit e saj pas drekës. “Ajo ishte e gëzuar si gjithmonë”, - pohon nëna e saj. Ishte bashkëshorti që gjeti trupin e saj në banjë. Djali flinte në dhomën e gjumit. Prokurorja e akuzon burrin e saj Kreshnik Cani se ka gisht në çuarjen e vajzës drejt vetëflijimit.
Ai u tha oficerëve policisë: "Isha në lokal. Mendoj se ajo bëri vetëvrasje”. Një muaj më vonë ai ndryshon historinë e tij: «Mendoj se e vranë. Ajo prostituonte veten. Ata u zemëruan me të, sepse menduan se ajo po i spiunonte në polici. Nga shtëpia jonë janë zhdukur edhe 17 mijë euro” - tha ai.
Operacioni që çoi në çmontimin e rrjetit filloi në maj 2022 pas grabitjes së një prostitute shqiptare. Hetimet zbuluan një sistem kriminal që përfshinte gra të reja të detyruara të prostitucionin në zona të veçanta të qytetit si Barriera Nizza dhe Madonna di Campagna.
Viktimat, të gjithë të kombësisë shqiptare, sipas asaj që ka dalë nga hetimet, kanë pësuar ngacmime të vazhdueshme fizike dhe psikologjike. Vajzat detyroheshin t'ua dorëzonin të gjithë të ardhurat shfrytëzuesve të tyre dhe vetë jetonin në kushtet e nënshtrimit total, të mbajtura edhe nëpërmjet lidhjeve sentimentale manipuluese.
Mes tyre ishte edhe Sonila, e gjetur e pajetë në banjën e një apartamenti të vogël ku jetonte me partnerin e saj dhe fëmijën e saj dy vjeç. Këtë e ka konfirmuar edhe gjyqtarja e dosjes, Francesca Pani, që ka pranuar pjesërisht kërkesën e prokurores.
Për momentin edhe bashkëshorti i saj, Kreshnik Cani është një prej atyre që po hetohen. Cani po hetohet nga Prokuroria e Torinos për nxitje drejt vetëvrasjes dhe shfrytëzimit të prostitucionit. Gjykata tha se kjo duhet ende të verifikohet. Kreshnik Cani u hetua edhe nga Prokuroria e Beratit pas një kallëzimi që bënë prindërit e Sonilës për shfrytëzimin e vajzës së tyre.
“Sonila ishte vajza më e sjellshme në qytet. Më e mira në shkollë. Ajo donte të studionte. Në Shqipëri nuk mund ta lejonim. Ëndrra e saj ishte Italia. Megjithatë, këtu ajo takoi vdekjen e saj. Për 4 vjet kam pyetur veten pse vajza ime nuk jeton më” - thotë Sose, nëna e vajzës së re. ©LAPSI.al
