Prokuroria e Lezhës ka mbyllur hetimet dhe ka dërguar për gjykim protugezin Ruben Saraiva, i akuzuar për vrasjen e biznesmenit Ardian Nikulaj më 19 prill të vitit 2023. Ekzekutuesit të Nukulajt iu komunikua akuza e “vrasjes për gjakmarrje” dhe “armëmbajtje pa leje”.
Saraiva e ka mohuar vazhdimisht autorësinë e krimit ndërsa ka refuzuar të kthehet në bashkëpunëtor të drejtësisë.
Megjithatë ai ka pranuar njohjen me Edmond Haxhinë, i cili dyshohet se është organizatori i atentatit dhe ka thënë se bashkë me të kishin bërë plan të mbillnin lëndë narkotike në Shqipëri.
Për vrasjen e Ardian Nikualjt në biznesin e tij në Shëngjin janë arrestuar edhe pjesa tjetër e grupit kriminal, Edmond Haxhia që është porositësi, Stephen Hunt, Thomas Mithan, Harriet Bridgeman dhe Harry Simson, për të cilët akoma nuk ka një vendim ekstradimi për në Shqipëri.
