Flamuri Kombëtar u ngrit sot në zemër të Preshevës. Kryetarja e Komunës së Preshëvës, Ardita Sinani uroi sot 112 vjetorin e Pavarësisë së Shqipërisë.
Sinani postoi një video në rrjetet sociale ku valëviti flamurin kombëtar shqiptar me rastin e Festës së Pavarësisë në Komunën e Preshëvës.
Gjithashtu në Preshevë u kremtua Festa e Pavarësisë së Shqipërisë, duke pritur ambasadorin e Shqipërisë në Serbi, Bardhyl Canaj.
“Presheva, Zemra e Festës Kombëtare. Sot, Presheva u bë qendra e kremtimit të Festës së Pavarësisë së Shqipërisë, duke pritur me krenari Ambasadën e Republikës së Shqipërisë dhe Ambasadorin e, Bardhyl Canaj”, shkroi Sinani në rrjetet sociale.
“Në këtë ditë historike, bashkë me qytetarët e Luginës, nderuam sakrificën dhe vizionin që sollën lirinë dhe pavarësinë e kombit tonë. Qoftë kjo ditë simbol i krenarisë, bashkimit dhe forcës së shqiptarëve kudo në botë”, theksoi Sinani.
“Presheva sot dëshmoi sërish se është zemra e Luginës shqiptare dhe një zë i fortë i kauzës kombëtare. Urime 28 Nëntori!”, shkroi Sinani.
