Dorian Puka ka marrë vemënendjen e mediave ndërkohëmbëtare në lidhje me sjelljen dhe veprimet e tij në Londër. Në lidhje me shkrimet që janë publikuar për të por edhe reagimet që ka marrë ai mesa duket nuk i interesojnë shumë ndërsa këtë e ka shprehur edhe në një reagim të fundit të tij. Puka e i dënuar dy herë për grabitje shtëpish, i dëbuar dy herë nga shteti ishull, e i rikthyer ilegalisht plot dy herë në thyerje të urdhrit të dëbimit nuk ndalet.
Pasi u tall një ditë më parë përmes një fotomontazhi me politikanin Nigel Farage sikur po ata drekonin bashkë, i riu nga Lezha ka replikuar përmes një statusi në Instagram me editorin e çështjeve të brendshme në "The Telegraph" gazetarin Charles Hymas autorin e shkrimit me titull “Grabitësi shqiptar i dëbuar dy herë nga Anglia udhëton në Londër me Ferrari”.
Në story Puka shprehet se nuk i bëhet vonë se çfarë shkruajnë për të ndërsa ka ironizuar gazetarin duke i thëne se do mendohet të merret me të nesë Hymas bëhet ministër.
“Charles Hymas. A mendon se mua më bëhet vonë se cfarë ti shkruan për mua? Shkruaj prap. Mua nuk më bëhet vonë. Thuaj Nigel Farage të ndalojë së kërkuari intervistë me mua. Ju nuk jeni end në nivelin tim. Mbase kur ti (Charles) të bëhesh minister do të mendohen e të7 të jap një shans. Faleminderit.”
