E ngarkuara me Punë e SHBA, Nancy VanHorn erdhi pak ditë më parë në Shqipëri. Sot ajo ka pasur një takim me kryeministrin Edi Rama.
“Zonja VanHorn rikonfirmoi mbështetjen e palëkundur të qeverisë së Shteteve të Bashkuara në rolin që ka Shqipëria për të çuar përpara paqen dhe zhvillimin në të gjithë rajonin” thuhet në një pjesë të njoftimit të Ambasadës së SHBA në Tiranë.
Por në foton që ka shpërndarë ambasada amerikane, kryeministri Rama bie në sy për veshjen përtace me të cilë është paraqitur në takim; një palë tuta dhe T-shirt e pahekurosur, tipike e atij që sapo ka dalë për një kafe në lokalin e lagjes.
Kjo nuk është hera e parë që Rama bie në sy për veshjen e tij të pazakontë, megjithatë mund të lexohet edhe si mesazh, se ka ikur koha kur rrinte gati-tu para përfaqësuesve të ambasadës amerikane.
Tani që po hyn në vitin e 12 në krye të qeverisë, pushteti ia ka forcuar fijet me njerëz më të rëndësishëm në departamentin e shtetit, se një burokrate e përkohshme si Nancy VanHorn.
