Video/ Juventus nuk fiton edhe ndaj Brest: dritë e hije në miqësoren e dytë të Thiago Motta

Pas humbjes në debutim ndaj Nurembergut me rezultatin e thellë 3-0, ndeshja e dytë miqësore e sezonit për Juventus, nën drejtimin e Thiago Motta, përfundoi në barazim. Bardhezinjtë nuk shkuan përtej një barazimi 2-2 kundër Brest, një klub i Ligue 1, në ndeshjen e zhvilluar në Pescara. Shumë tifozë u dyndën në stadium për të parë fytyrën e re të Zonjës së Vjetër, me shpresën për të parë edhe disa lojtarë të ardhur nga merkato. Lajmet e para pozitive kanë filluar të vijnë, por diçka ende nuk është në rregull. Jemi vetëm në mes të gushtit dhe ende mungojnë shumë pjesëza në skuadër. Juventus, sidoqoftë, duhet të ndryshojë me siguri marshin në javët në vijim. Mbrëmjen e së hënës së 19 gushtit, për më tepër, luhet ndeshja e parë e Serie A kundër Como në Allianz Stadium në Torino. E atëherë nuk ka më alibi.

SI SHKOI MIQËSORJA E DYTË E BARDHEZINJVE?

Juventus e nisi më mirë, i vendosur për të demonstruar potencialin e tij. Shumë zotërim topi, por ende me pak konkretizim dhe shumë ngadalësi në manovër. Titullarë në mesfushë ishin fillimisht Locatelli dhe Thuram. Dy sinjalet e vetme të Juventus në pjesën e parë mbanin firmën e Vlahovic. I pari me kokë në një goditje perfekte nga këndi, ku serbi nuk gjeti rrjetën nga dy hapa larg; i dyti pas një aksioni të bukur koral, por e majta e tij u devijua. Në pjesën e dytë skuadrat u kthyen në fushë në tjetër mënyrë. Megjithatë, skuadra e parë që kaloi në avantazh ishte ajo franceze. Një hapësirë për Camara, i cili kontrolloi me të djathtë dhe mposhti Perin në minutën e 51'. Bardhezinjtë reaguan, duke fituar një penallti pas pak minutash me Locatelli, që u pengua në zonë. Vlahovic u paraqit në pikën e bardhë, këtë herë duke shënuar golin e 1-1 në minutën e 58'. Kështu, Juventus mori guxim dhe filloi të bëjë sërish lojën, edhe sepse në gjysmë orën e fundit trajneri hodhi në lojë Yildiz dhe Douglas Luiz. Veçanërisht braziliani tregoi se ka një marsh më shumë dhe nga një goditje këndi dhuroi asistin për bashkëkombasin e tij Danilo. Mbrojtësi me kokë i dha kryesimin skuadrës së tij 2-1, në minutën e 72'. Megjithatë, në finale, Zonja e Vjetër pësoi golin e barazimit në një kundërsulm në të cilin u gjendën tepër të ekspozuar. Në minutën e 83' Camblan shënoi nga afër, duke e bërë rezultatin 2-2. Disa gjëra të mira Juventus i tregoi, por po aq edhe për të korrigjuar.

Dusan and Danilo strike, as our second pre-season friendly ends 2-2 ????⚔️ Full #JuveBrest highlights ?⤵️

— JuventusFC ???? (@juventusfcen) August 3, 2024