Pritshmëria ishte e madhe për Inter-Juventus, një ndeshje mes të parit dhe të dytit në renditje, por edhe një ndeshje ndër më të pasurat në polemikat e arbitrimit në historinë e futbollit italian. Vetëm se në fund surpriza është asnjë rast moviole, me mungesën e plotë të ndonjë rasti të rëndësishëm, ose të paktën potencialisht të aftë për të mohuar rezultatin përfundimtar. Arbitrimi i Maresca është i promovuar nga të gjitha anët.
Ish-arbitri i Serie A, Graziano Cesari, në Pressing komplimentoi bilbilin e Napolit me notën 10: "Me gjithçka që ishte thënë në javën para ndeshjes, ai arbitroi shumë mirë dhe ishte një emërtim i duhur". Kishte shumë pak raste kur lojtarët e Inter ose të Juves u ankuan, një shenjë e një gjykimi të pranuar nga vetë 22 lojtarët në fushë, edhe pse - por nuk mund të ndodhte ndryshe, po luanin për titullin - pati disa protesta.
ZERO EPISODE E PAK PROTESTA
Ashtu si Vlahovic, i ndëshkuar në mesin e pjesës së parë për protesta. Por serbi, tashmë i paralajmëruar pak minuta më parë nga Maresca për një konkakt me Pavard, ishte tepër plateal (nga leximi i buzëve duket se thotë “çfarë ka*in fishkëllen") për të shmangur kartonin. Pak a shumë si Simone Inzaghi, i pikasur jashtë zonës teknike në fund të ndeshjes. Meqë ra fjala, ai ishte i paralajmëruar dhe për këtë arsye në Romë asistenti Farris do të drejtojë skuadrën nga pankina). Megjithatë, kartoni i verdhë më i kontestuar nga bardhezinjtë ishte ai për Danilo në minutën e 33' për një faull ndaj Thuram. Kjo sepse braziliani - që kapi topin dhe këmbën e kundërshtarit - ishte i paralajmëruar dhe do të mungojë kundër Udinese.
Në autogolin e Gatti pati një kontroll logjik me VAR për një prekje të mundshme me dorë nga Thuram. Prekja megjithatë nuk shihet në asnjë nga imazhet e shfaqura: “Nuk ka asnjë prekje me dorë, një gol absolutisht i rregullt”, konfirmoi Cesari. Asnjë rishikim me VAR për ndërhyrjen e Danilo në zonë ndaj Thuram në minutën e 34' me brazilianin që preku fillimisht këmbën e francezit dhe më pas lëvizi topin duke u përplasur në fund me sulmuesin. Me shumë mundësi u vlerësua nga Irrati dhe Di Paolo si vendim në fushë jo i njollosur nga një gabim i qartë dhe i dukshëm.
GJESTI FAIR PLAY
Vlen të përmendet gjesti i bukur i Barella në minutën e 11', kur ai kuptoi se ai e kishte prekur për herë të fundit topin që doli në vijën anësore. Mesfushori zikaltër ndihmoi kështu Maresca - i cili e falënderoi - të kthente rivënien, që fillimisht iu dha Inter dhe më pas Juves. Me pak fjalë, për arbitrin Maresca gjithçka ishte pothuajse e qetë, zero polemika nga protagonistët pas ndeshjes dhe madje në rrjetet sociale diskutimi mes tifozëve kaloi në çështje të tjera.
