Roberto Mancini, trajneri i ri i kombëtares së Arabisë Saudite, është përjetësuar me një top të gjakosur në serinë e re të muraleve të artistit aleXsandro Palombo. Muralet u shfaqën mëngjesin e sotëm në stadiumin San Siro në Milano dhe në pjesë të tjera të qytetit. Palombo ka krijuar vepra ndërgjegjësuese që portretizojnë disa yje të futbollit që kanë vendosur t'i japin imazhin e tyre me paga yjore Mbretërisë Saudite të Mohammed bin Salman. Një vend ku situata në lidhje me shkeljen e të drejtave të njeriut është shumë e rëndë.
"Ne kemi parë lojtarë të gjunjëzuar kundër racizmit, me fytyrat e tyre të lyera me ngjyrë të kuqe kundër dhunës ndaj grave, të veshin shirita ylberi në mbështetje të komunitetit LGBTQ dhe të dënojnë luftën. Tani shohim lojtarë dhe trajnerë që i japin imazhin e tyre Arabisë Saudite të Mohammed bin Salman, një prej vendet më obskurantiste, mizogjiniste dhe të egër ndonjëherë. Një vend ku të drejtat e njeriut, liria e shprehjes, liria e grave dhe ajo e komunitetit LGBTQ nuk ekzistojnë. E çdo shenjë e përkatësisë në një fe të ndryshme nga Islami dënohet", tha artisti.
"Ne nuk mund të kthehemi nga ana tjetër përballë fytyrës së vërtetë të mbretërimit të Mohammed bin Salman. Sepse kjo nuk është një lojë, por një plan politik me të cilin Arabia Saudite përdor futbollin si një mjet shpërqendrimi masiv për të depërtuar në jetën tonë dhe për të mpirë ndërgjegjen tone. Mos u bëni bashkëfajtorë në këtë proces të kolonizimit të lirisë sonë sepse në Arabinë Saudite liria nuk ekziston”, deklaroi aleXsandro Palombo.
