Milan nuk shkoi përtej barazimit 0-0 në debutimin sezonal në Champions League kundër Newcastle. Kuqezinjtë dominuan pjesën e parë, praktikisht nuk rrezikuan asgjë dhe humbën raste në mënyrë të përsëritur. Në një pjesë të dytë pak më të bllokuar, Milan arriti të krijojë disa raste shënimi, por jo të thyejë murin e ngritur nga Tonali dhe shokët e tij. Anglezët largohen nga San Siro me një pikë, sa të pashpresuar aq edhe të çmuar. Gjysmë hapi fals për Stefano Pioli. Tekniku nuk gjeti shpengimin që shpresonte pas kolapsit në derbi. Problemi më i madh është se humbet edhe Maignan, i cili doli i dëmtuar 10' nga fundi për shkak të një problemi në përkulësit.
Milani gjen sërish identitetin e tij, por jo rezultatin. Në daljen e tyre të parë evropiane, kundër një skuadre që ishte çdo gjë tjetër veçse e papërmbajtshme, kuqezinjtë kthehen të bindin edhe një herë për sa i përket sjelljes. E megjithatë, ata nuk mundën të çliroheshin plotësisht nga mbeturinat e humbjes 5-1 të Interit. Shumë raste të humbura, shumë gabime ose pavendosmëri në momente vendimtare. Shija e hidhur në gojë është e pashmangshme. Fushata evropiane, natyrisht, sapo ka filluar, por në San Siro dhe kundër kundërshtarit më pak të rrezikshëm në grup në letër, ishte e arsyeshme të prisje tre pikët. Rruga për në 1/8 tani është pak më e përpjetë, sidomos pas dëmtimit të Maignan.
Lexo më tej: Video/ Rrëshqitëse në shi në rrugët e Milanos, tifozi i Newcastle theret me thikë: Digos nis hetimin
YOUNG BOYS 1-3 LEIPZIG
Në ndeshjen tjetër, atë të Grupit G, Leipzig shkoi të imponohej në Zvicër ndaj Young Boys. Simakan që në minutën e 3' i dha start të thjeshtë gjermanëve. Por Young Boys u kthye në ekuilibër pas 30 minuatsh me Elia. Leipzig i zgjidhi problemet 17 minuta nga fundi, kur Schlager kaloi në avantazh për herë të dytë gjermanët. Në kohën kur Young Boys u hodh përpara për barazimin, në minutën e dytë shtesë, Sesko mbylli historinë me golin e tretë.
