Pasditen e sotme në Lienz është zhvilluar miqësorja mes Udinese dhe Union Berlin. Ndeshja përfundoi me fitoren 1-0 të gjermanëve falë golit të Roussillon në minutën e 73-të. E megjithatë episodi kyç ishte përjashtimi i Beto, në fund të pjesës së parë. Ndeshja e fundit parasezonale për friulianët, të impenjuar të premten më 11 gusht në 1/32 e Kupës së Italisë kundër fituesit të Catanzaro-Vicenza. Më pas, të dielën më 20, debutimi në kampionatin e Serie A kundër Juventus.
Ndeshja ndaj Union Berlin, megjithatë, u kushtëzua nga përjashtimi i Beto, pak para përfundimit të pjesës së parë. Në minutën e 43', në fakt, portugezi humbi mendjen duke reaguar ashpër ndaj faullit të Hollerbach. Kjo më pas çoi në një përleshje ku u përfshinë disa lojtarë, para fishkëllimës së fundit për pjesën e parë.
Megjithatë, ky nuk ishte episodi i vetëm negativ i pasdites për bardhezinjtë. Gjatë ndeshjes, në fakt, Jaka Bjol pësoi një problem muskulor në pulpin e majtë, i cili e detyroi të zëvendësohej. Një dëmtim që pasoi atë që Marco Silvestri raportoi dy ditë më parë. Kështu, një moment jo shumë i shkëlqyer, në shtëpinë e Udinese. E në këtë kuptim, në frontin e infermierisë, mbetet vetëm të mësohen shkallët e dëmtimit të lojtarëve.
