“Cancellieri më futi duart në fyt”, pastaj erdhi hakmarrja: tension në fund të Itali-Norvegji

Ndeshja mes Italisë dhe Norvegjisë pati një përfundim të keq. Tensioni në fushë mes Cancellieri dhe Kamanzi, u pasua nga eliminimi i të dyja skuadrave nga kampionati evropian U21. Italia ishte zot i fatit të saj. Duhej fitorja ndaj Norvegjisë për të parë se çfarë do të ndodhte në ndeshjen tjetër, mes Francës dhe Zvicrës. Por nuk ndodhi kështu. Një paraqitje zhgënjyese, veçanërisht në pjesën e dytë, eliminoi Italinë U21 në fazën e grupeve të Kampionatit Evropian. Të kaltrit dolën jashtë për shkak të golave të shënuar në ndeshjet direkte. Është edicioni i tretë radhazi që Italia U21 nuk i kalon grupet duke i thënë sërish lamtumirë Olimpiadës. Mbetet hidhërimi për gabimet arbitrale në ndeshjen me Francën, por keqardhja më e madhe mbetet se skuadra nuk u tregua vendimtare kundër Norvegjisë dhe në pjesën e dytë kundër Zvicrës. Por pavarësisht justifikimeve të mundshme, përgjegjësia i takon të gjithë grupit të kombëtares U21 italiane.

Decisamente più pasticcio che biscotto. #ItaliaNorvegia pic.twitter.com/GliyRhCvYs

— Fabrizio Biasin (@FBiasin) June 28, 2023

TENSION MES CANCELLIERI E KAMANZI

Në fund të ndeshjes, me të dyja skuadrat e eliminuara, zhgënjimi dhe dëshpërimi tek të gjithë lojtarët u pasua nga tensioni. Ndeshja ishte kryesisht e drejtë, por nervat nuk mbajtën deri në fund. Protagonist ishte sulmuesi i Lazios, Cancellieri, i cili sipas Kamanzi e kapi dy herë nga fyti. Lojtari norvegjez është filmuar duke u qetësuar nga Botheim (kapiteni i Norvegjisë). Pastaj ai më vonë shpjegoi arsyen e nervozizimit të tij: “Anësori i tyre i djathtë u zemërua pak me mua. Nuk e di pse. Pastaj më kapi dy herë nga fyti dhe më tha disa gjëra. Pastaj erdhi Klaesson dhe e ndali. Sigurisht që nervozohesh nëse dikush të vë duart në fyt dhe askush nuk e sheh”.

@anthonyking2022 Hanno esagerato #norvegia #italia #europeiunder21 #viraltiktok #neiperteeeeeeeeeeeeeee #perteeeeeeeeeeeeeeeeee ♬ Epic Inspiration - DM Production

“Jam i shokuar nga fakti që nuk ka kamera që kanë regjistruar dhe që askush nuk e ka vënë re, sepse ka ndodhur dy herë. Një herë, pastaj vazhduam dhe e bëri përsëri. Menjëherë më pas vrapoi në dhomën e zhveshjes”. Në fakt, nuk ka përsëritje që tregojnë gjestin e Cancellieri. Sidoqoftë ,një lloj hakmarrjeje, norvegjezi e realizon: “Është absurde që ndodh në një fushë futbolli dhe askush nuk bën asgjë. Por janë jashtë edhe ata”.