Inter fiton Kupën e Italisë për të nëntën herë në historinë e tyre – e dyta radhazi – duke mundur Fiorentinën 2-1 në finalen e luajtur në Olimpico të Romës. Një sukses me përmbysje për zikaltrit e Simone Inzaghi, që e panë veten menjëherë në disavantazh. Në minutën e 3' Nico Gonzalez i dha startin e duhur Fiorentinës. Megjithatë, pas një çerek ore në vështirësi, Inter, i udhëhequr nga Lautaro Martinez, e përmbysi ndeshjen përpara pushimit. Në minutën e 29 barazoi me një diagonale fituese e argjentinasi u përsërit tetë minuta më vonë në akrobaci. Në pjesën e dytë shumë raste nga të dyja palët, por rezultati nuk ndryshoi.
Lautaro shënoi golin numër 100 e 101 të karrierës së tij zikaltër, në harkun e tetë minutave për të përmbysur Fiorentinën në finale. Vendimtar edhe njëherë, si gjithnjë. Argjentinasi shfrytëzoi në fillim asistin e Brozovic duke mposhtur portierin me një diagonale. Spektakolar goli i dytë në akrobaci, brenda zonës së penalltisë.
E tani janë nëntë. Inter mundi Fiorentinën 2-1 me përmbysje, falë një dygolëshi të shkëlqyer të Lautaro Martinez. Argjentinasi iu përgjigj avantazhit të menjëhershëm të shënuar nga Nico Gonzalez dhe ngriti trofeun e dytë të sezonit pas Superkupës së fituar në Riad kundër Milan. Duke shpresuar që më 10 qershor në Stamboll të bëhen tre, me atë më të rëndësishmen dhe më të bukurën nga të gjitha... Është Kupa e nëntë e Italisë për zikaltrit, për Simone Inzaghi është e treta si trajner pas atyre me Lazio në 2019 dhe gjithmonë me Inter sezonin e kaluar.
