Lapsi Video

Aplikacioni

Android iOS
Flash

Honda kthehet zyrtarisht në F1: do të furnizojë motorin për Aston Martin

Lapsi.al 24 May 2023
Honda kthehet zyrtarisht në F1: do të furnizojë motorin për
Honda rikthehet në Formula 1, duke nisur nga viti 2026, kur do të bëhet furnizuesi zyrtar i Aston Martin. Pasi i tha lamtumirë Cirkusit në vitin 2021, edhe pse mbeti e përfshirë me një marrëveshje mbështetjeje për Red Bull, kompania japoneze pa në gatishmërinë e kampionatit për të përdorur karburante të qëndrueshme një mundësi të mirë për t'u rikthyer. Mercedes, në krah të Aston Martin që nga viti 2009, do të vazhdojë të furnizojë njësitë e fuqisë, marshet dhe sospensionet e pasmë deri në vitin 2025, për t'i lënë vendin shtëpisë Honda.

MIBE: "RAST PËR PRODHIMIN NË MASË"

Toshihiro Mibe, CEO i Honda, nënvizoi se kompania japoneze e ka mirëpritur sfidën e Formula 1 për të ecur drejt garave gjithnjë e më të qëndrueshme. Një parim në përputhje me vlerat dhe drejtimin që po ndjek vetë Honda. "Honda është një kompani që ka një histori të rëndësishme rritjeje - tha ai -. Ajo është përballur me sfida dhe fitore në nivel global. Me rregulloret e reja të vitit 2026, çelësi për të fituar do të jetë të kesh një motor elektrik kompakt, të lehtë dhe me fuqi të lartë. Me një bateri të aftë për të përballuar fuqi të rritur dhe të shpejtë. Ne besojmë se teknologjitë dhe njohuritë e fituara gjatë kësaj sfide mund potencialisht të aplikohen drejtpërdrejt në makinat tona të ardhshme elektrike të prodhimit në masë, si një model sportiv kryesor elektrik,” tha ai.

STROLL E WHITMARSH: "MEZI PRESIM"

Pronar i ekipit, Lawrence Stroll, tha se ishte entuziast për të patur në krah një partner të kalibrit të Honda, me të cilin Aston Martin ndan disa këndvështrime: "Ne ndajmë një drejtim, një vendosmëri, një ambicje të pandalshme reciproke për të qenë të suksesshëm në pistë. Honda është një titan në nivel global dhe suksesi i saj në motorsport shkon shumë larg. Është tepër mbresëlënëse. Rregulloret e reja për motorët e Formula 1 në 2026 përfaqësojnë një ndryshim të madh dhe të rëndësishëm", nënvizoi Martin Whitmarsh, CEO i grupit Aston Martin Performance Technologies. "Ne kemi besim se mund ta përballojmë me sukses së bashku me partnerin tonë strategjik Aramco. Mezi presim hapjen e një bashkëpunimi drejt një qëllimi të përbashkët. Angazhimi ynë i ardhshëm me Honda është një nga pjesët e fundit të enigmës që hyn në planet ambicioze të Aston Martin në Formula 1".

Të këshilluara

ide

Flamingot duhet t'i injorojnë hijet e së djeshmes

Strategjia e një pjese të madhe të mbrojtësve oligarko-mediatikë të autokratit është të bëjnë kamikazin duke thithur mbi vete debate shterpë që largojnë vëmendjen nga thirrja: “Rama jeeeepe dorëheqjeeeeeen”

08:25 Andi Bushati

Protesta që e mplaku qeverisjen Rama

Kjo protestë ka nxjerrë në pah se qeverisja dhe kryeministri aktual janë vjetërsira politike që transformojnë demokracinë në sundim. Është i njëjti model i vjetër politik që privatizon pushtetin publik për interesa personale, që i reduktion partitë politike, parlamentin dhe ekzekutivin në zgjatime të vullnetit të liderit

10:41 Blendi Kajsiu

MOTI TIRANA

22°c

KËMBIMI EURO

93.58

aktuale

Ndiqe Lapsin edhe në

Me interes nga publiku

Qeveria dhuron trojet e postave të policisë në Dhërmi dhe Palasë

Pesë vjet pas një investimi prej 1.1 milionë eurosh me para publike për ndërtimin e një poste policie dhe qendre shëndetësore në kufi me resortin Green Coast në Palasë, Korporata e Investimeve planifikon që ta japë truallin për hotele në këmbim të një qendre të re shërbimesh më lart në kodër.

13:54

Me sytë katër

SPORT

Të tjerë artikuj

PAPARAZZI