Manchester United ka nisur javën e 30 të Premier League duke mposhtur 2-0 Everton në Old Trafford. Në minutën e 36', McTominay mposhti Pickford në shtyllën e afërt, falë një asist të Sancho. Dyfishimi erdhi në minutën e 71' me Martial, i shërbyer nga Rashford, që shënoi nga fare pranë. Me këtë fitore, lojtarët e ten Hag ngjiten momentalisht të vetëm në vendin e tretë të renditjes me 56 pikë. Ndërsa Toffees mbeten në 27.
Fitore 2-0 e Manchester United ndaj Everton në Old Trafford. Djajtë e Kuq sulmuan nga minutat e para në zonën e Toffees, por Pickford bllokoi Rashford. Në minutën e 12' Antony goditi shtyllën, më pas aksioni vazhdoi dhe Wan-Bissaka goditi jashtë. Pas një rasti tjetër për brazilianin, vendasit kaluan në avantazh në minutën e 37'. Sancho i shërbeu McTominay në zonë, me skocezin që goditi fort në shtyllën e afërt, duke shënuar 1-0.
Lexo më tej: Ten Hag, nuk i del e keqja me CR7: “Është vetëm një Messi, të tjerët duhet të punojnë për skuadrën”
Në pjesën e dytë, vazhdoi shfaqja mes shtyllave e Pickford, që ndaloi edhe Bruno Fernandes. Në minutën e 71', megjithatë, erdhi 2-0 për të besuarit e ten Hag. Coleman gaboi ndërhyrjen dhe i dorëzoi topin Rashford, që pasoi për Martial në qendër. Gjithçka e lehtë për francezin, që dyfishoi i vetëm përballë portierit mik duke mbyllur përfundimisht ndeshjen. United ngjitet kështu me 56 pikë dhe konsolidon vendin e tij në Champions. Ndërsa Evertoni i Dyche mbetet në kuotën 27, duke u përfshirë gjithnjë e më shumë në luftën për të mos rënë në Championship.
