Invazioni i fushës nuk është një gjë e re në futboll. Por ajo e djaloshit në Gjermani që hyri deri në tunelin e dhomave të zhveshjes është e paprecedentë. Pas barazimit mes Leipzig dhe Manchester City në Champions League, një tifoz hyri fshehurazi në fushë. Ai madje arriti të hynte në tunelin e dhomës së zhveshjes e vetëm aty e ndaluan. Idea e tij ishte të provonte të bënte një foto me Erling Haaland. Provën e tij djaloshi ka dashur ta transmetojë live në TikTok. E ndoshta edhe ky fakt i ka habitur punonjësit e sigurisë. Gjithsesi, invazioni është dëshmi e shkeljes së sigurisë që ekziston në stadiumet kryesore të futbollit evropian.
Lexo më tej: Video/ Lukaku thyen rezistencën e Portos me 10 lojtarë: Gvardiol i heq buzëqeshjen Manchester City
Sido që të jetë, duket se tifozi besnik nuk ka mundur të ketë foton e tij të shumëpritur me idhullin e tij në Leipzig. Siç mund të shihet në videon e tij në TikTok, një oficer e kap nga krahu kur ai kishte përshkuar gjithë fushën e ishte brenda dhomës së zhveshjes. Më pas, video përfundoi, kështu që ai me siguri duhej të merrej me punonjësit e sigurisë, që me sa duket e kanë urdhëruar të largohet.
https://www.tiktok.com/@mr_hamza0709/video/7203457684778077445
https://www.tiktok.com/@shahab315315/video/7203260968380402950
