Një parcelë e kultivuar me cannabis sativa është zbuluar ditën e sotme përmes dronit në Lezhë. Parcela ndodhej në një zonë të pyllëzuar ndërsa policia në kuadër të operacionit "Space" identifikoi dhe shpalli në kërkim autorin e dyshuar.
Parcela u zbulua në fshatin Lalm i Ri, në njësinë administrative Kolsh, ndërkohë që në afërsi të saj u gjetën edhe disa bimë të tjera të dyshuara narkotike cannabis sativa. Policia ka shpallur në kërkim shtetasin Fatmir Pepa 27 vjeç, banues në fshatin Lalm. Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.
