Policia e Tiranës ka dhënë detaje në lidhje me operacionin e policisë, ku u zbulua një depo për modifikimin dhe prodhimin e armëve të zjarrit. Blutë njoftojnë se dy persona kanë rënë në pranga për arsenalin e armëve të gjetur në banesën që ndodhet në Mëzez.
“Në kuadër të operacionit ‘Silent’ është zbuluar dhe goditur një bazë ku prodhoheshin dhe modifikoheshin armë zjarri. Në një banesë në Kodër Mëzez, ushtrohej aktiviteti për prodhimin e këtyre armëve. U bë e mundur kapja dhe arrestimi Elvis Bakllait, 30 vjeç, Dorian Kalos për mbajtjen dhe prodhimin e armëve të zjarri.’- tha në një konferencë për mediat drejtori i policisë së Tiranës.
Shtëpia ku ishte ndërtuar punishtja për modifikimin e armëve është e Elvis Bakallit. Sipas policisë, armët përdoreshin për veprime kriminale.
