Kanë dalë detaje të tjera nga atentati me 17 plumba automatiku MP-5 ndaj Marklen Hakës, në Nikël të Fushë-Krujës.
Objektivi i këtij sulmi me armë mësohet se kishte mbërritur në Shqipëri vetëm një ditë më parë.
Lëvizjet e Hakës, kanë qenë në monitorim sapo ai është parë në fshat, dhe për pasojë kundërshtarët e tij në zonë, kanë vënë në zbatim planin për ta ekzekutuar.
Marklen Haka, është kapur në befasi teksa udhëtonte me një “Golf 6”, nga zona e Tapizës në drejtim të Niklës.
Një automjet tip “Audi” me xhama të zinj, është afruar dhe në drejtim të Hakës, ka qëlluar 17 herë, por pa mundur ta ekzekutojë atë.
Kundërshtarët kanë pasur informacion të saktë për mbërritjen e Hakës në Shqipëri, pasi prania e tij ishte vënë re në rrugët e fshatit Nikël.
Ngjarja e dy ditëve më parë dyshohet se lidhet për shkak të hasmërisë që ka familja Haka me një familje tjetër dhe një tjetër pistë është ajo e konflikteve mes anëtarëve të grupeve kriminale në zonën e Fushë-Krujës./ Ora news
