Raportuesi për Shqipërinë në CDU, Peter Beyer vizitoi për disa ditë Shqipërinë ku takoi një sërë përfaqësuesish të partive politike, qeverisë, opozitës dhe diplomatë. Ai thotë se 2 ka qenë fokusi. E para është anetarësimi i Shqipërisë në BE.
“Shqipëria nuk duhet të jetë viktimë e bllokadës së turpshme të Bullgarisë. Shqipëria tani duhet të ftohet në konferencën e radhës ndërqeveritare si hapi tjetër konkret në procesin e anëtarësimit në BE” – thotë Beyer në një shkrim në Facebook.
Temë e dytë e diskutimeve ka qenë situata në Partinë Demokratike.
“Demokracia parlamentare e Shqipërisë ka nevojë për një opozitë të bashkuar dhe të fortë. Axhendat personale të individëve nuk duhet të luajnë një rol jashtë përgjegjësisë për vendin.
Është e qartë se çdo lloj bashkëpunimi me një “persona non grata” si në nivel kombëtar ashtu edhe ndërkombëtar është i ndaluar që në fillim. Ky është një pozicion i zakonshëm, i pakundërshtueshëm që ne e përfaqësojmë rreptësisht në unison me miqtë tanë në SHBA” – thotë Beyer. ©LAPSI.al
