Një 35-vjeçare u gjet e pajetë në Carrara të Italisë rreth orës 2 të mëngjesit të së dielës.
Trupi u gjet nga disa turistë të cilët i thanë policisë se ishte gjysmë i zhveshur. Dyshohet se gruaja ishte një prostitutë.
Sipas medieve italiane viktima është identifikuar si Nevila Pjetri. Të njëjtat burime thanë se ajo fillimisht është rrahur dhe më pas është vrarë me një të shtënë me pistoletë të kalibrit të vogël.
Arma dhe makina e viktimës janë gjetu jo shumë larg vendit të ngjarjes. Karabinierët janë duke parë kamerat e sigurisë në zonë për të zbuluar lëvizjet e viktimës.
Sipas hetuesve, gruaja është parë për herë të fundit në orët e vona të mbrëmjes duke hipur në një makinë të bardhë të drejtuar nga një burrë. Për momentin nuk ka persona të ndaluar. ©LAPSI.al
