Lëkundje tërmeti u regjistruan në Durrës rreth orës 14.20. Qytetarë të shumtë, nga zona e Durrësit, por edhe përreth kanë raportuar në EMSC edhe ndjesinë që kanë përjetuar.
Dikush e përshkruan si të tmerrshëm, ndërsa dikush tjetër shkruan se u ndje deri në Shëngjin. Raportohet se ky tërmet ishte me magnitudë 4.3 e shkallës Rihter.
Epiqendra e këtij tërmeti ka qenë në detin Adriatik, ndërsa ka pasur një thellësi prej 10 kilometrash. Sipas EMSC, ky tërmet është regjistruar 4 km larg qendrës së Durrësit.
