Kryeministri Edi Rama bëri të ditur pas mbledhjes së sotme të kryesisë se në finale nga lista prej 26 kandidatësh, u arrit në një listë të shkurtër me 6 emra nga të cilët 3 ishin burra dhe 3 të tjerët gra.
Krahas emrit të Bajram Begajt, pjesë e kësaj liste ishte edhe ish-gjyqtari Ardian Dvorani dhe historiani dhe ish-deputeti Pëllumb Xhufi.
Në krahun tjetër, pjesë e listës së shkurtër të kandidateve gra mësihet se ishin ish-ministrja dhe ish-deputetja e Partisë Demokratike, Majlinda Bregu.
Mes 3 grave më të kuotuara për Presidente të Republikës ishte edhe kandidatura e ish-kryeprokurores Ina Rama.
E fundit ishte edhe një emër, pak i njohur për publikun, ai i pedagoges Kozeta Sevrani.
Në fund të garës shkoi gjenerali Bajram Begaj që të shtunën do të votohet në Kuvend për t’u ulur në karrigen e të parit të vendit. ©LAPSI.al
