Një 26-vjeçare, nënë e një fëmije ka rënë në prangat e policisë helene, pasi u kap duke transportuar një valixhe me 10 kilogramë heroinë dhe gjysmë kilogram kokainë.
E reja u arrestua në Selanik, pasi po transportonte lëndët narkotike nga Athina në Selanik, ndërsa policia po e ndiqte hapat e trafikantes.
Pas arrestimit 26-vjeçarja tha se valixhen ia kishte dhënë një trafikant shqiptar me nofkën “Xhaferr”, 26 vjeç, duke theksuar se nuk ishte në dijeni të përmbajtjes së valixhes, shkruan protothema.gr.
Në dëshminë e saj ajo pohoi se para disa muajsh është takuar me trafikantin shqiptar, i cili i kishte propozuar të transportonte drogës, por ajo e ka refuzuar propozimin e tij për arsye morale dhe siç tha nuk e dinte përmbajtjen e valixhes rozë.
“Jam një nënë beqare, e një fëmije katër vjeç dhe jetoj në Sepolia të Atikës. Prej dy viteve të fundit nuk kam pasur punë të përhershme, për pasojë po përballem me probleme financiare. Pranoj akuzën e trafikut të drogës, të cilën e kam kryer për llogari të një personi me origjinë shqiptare rom, i quajtur “Xhaferr”, ka thënë para drejtësisë greke e reja 26-vjeçare.
Pas dëshmisë së 26-vjeçares,policia greke është vënë në kërkim të 26-vjeçarit me origjinë shqiptare.
