Organizata për Siguri dhe Bashkëpunim në Evropë (OSBE) ka reaguar në lidhje me negociatat për presidentin e ri në Shqipëri.
Nëpërmjet në postimi në Facebook, OSBE përshëndet procesin, sipas saj përfshirës, që synon të sjellë në postin më të lartë një personalitet që përfaqëson unitetin e popullit.
“Ndërsa vendi fillon procedurat parlamentare për zgjedhjen e Presidentit të Republikës, Prezenca e OSBE-së në Shqipëri përshëndet një proces përfshirës, i cili do të sjellë në postin më të lartë një personalitet që përfaqëson unitetin e popullit, sikurse përcaktohet në Kushtetutën e Shqipërisë”, thuhet në reagimin e OSBE në Facebook.
Por përtej këtij reagimi formal të OSBE, procesi është farsë me regji qëndrore nga Edi Rama, i cili e ka tashmë një president. Por sa për sy e faqe i duhet një proces gjoja demokratik. Pjesë e farsës është bërë prej fillimit edhe pakica e pakicës së opozitës. Në takimin e parë sot të thirrur nga PS ishte Fatmir Mediu dhe Mesila Doda. ©LAPSI.al
