Ditën e sotme nisin zyrtarisht negociatat mes palëve politike për zgjedhjen e presidentit të ri të vendit, i cili merr detyrën pas datës 24 Korrik, kur edhe mbaron mandati i Ilir Metës. Ndërkohë që socialistët e kryesuar nga kreu i grupit parlamentar, Taulant Balla po takohen me Mesila Dodën dhe Fatmir Mediu, Enkelejd Alibeaj nuk do të jetë i pranishëm në këtë takim.
Mësohet se Alibeaj do të ketë një prononcim për median te hyrja e Kuvendit, në ambientet e jashtme. Më herët Alibeaj ka publikuar një platformë lidhur me kushtet për zgjedhjen e presidentit të ri, të cilët nuk janë pranuar deri më tani nga mazhoranca.
Të hënën e 16 Majit do të jetë raundi i parë për votimin e presidentit të ri të vendit.
