Gjatë një deklarate për mediat, ish-kryeministri Sali Berisha denoncoi një tjetër shkelje të qeverisë. Sipas ish-kryeqeveritarit nga fondi i emergjencës janë marrë 7 milionë euro për festa e ahengje nga ministrat dhe kryetarët e bashkisë.
“Çdo ditë del një skandal. Është ndërhyrë në buxhetin e shtetit, për të krijuar fonde të rezistencës sociale thotë, por çfarë na del? Na del fondi i ahengjeve sociale, i orgjive sociale, a mund të imagjinoni ju që nga fondi i emergjencës, të merren 7 milionë euro vetëm për festa dhe ahengje të bashkisë dhe ministres së kulturës, të tjerët vazhdojnë marrin bukën me listë”, tha ai.
Lideri historik i demokratëve shtoi më tej se kjo është e dënueshme me çdo ligj të vendit, pasi fondi nga taksat e qytetarëve përdoret vetëm në emergjenca.
