Në një konferencë të jashtëzakonshme kryeministri Edi Rama ka folur për Reformën në Drejtësi dhe punën e SPAK, në këto 3 vite që nga krijimi i tij. Sipas Ramës është e nevojshme që SPAK të hetojë të gjithë politikanët, gjyqtarët dhe prokurorët e korruptuar.
“Disa të tjerë e kanë komentuar si presion, apo përpjekje për të fshehur problemet. Për mua më e rëndësishmja është që ky diskutim të bëhet. SPAK mbush tre vjet dhe vettingu edhe pak javë mbush 5 vjet. Dhe për pak vite pritja e popullit shqiptar për një drejtësi të barabartë mbush 35 vjet. Ndaj si dikush që për shkak të detyrës e ka udhëhequr politikisht dhe moralisht reformën në drejtësi në emër të forcës politike që i ka dhënë fuqi dhe mbështetje morale apo politike.” tha Rama.
Rama tha se askush nuk mund t’ia heqë atij të drejtën për të komentuar punën e SPAK, duke iu referuar kështu indirekt dhe ambasadores amerikane Yuri Kim, pasi kjo e fundit kërkoi qëndrimin e politikës larg ndërhyrjes në punët e SPAK.
