Gjykata e Lezhës vendosi masën e sigurisë “arrest ne burg”, për 44-vjeçarin Kristjan Gjoni i cili u arrestua një ditë më parë pasi u shfaqën videot në një emision televiziv ku kërkonte të kryente veprime të turpshme me një 15-vjeçare. Në seancën gjyqësore të zhvilluar me dyer të mbyllura, 45-vjeçari është shprehur i penduar, ndërsa ndaj tij janë ngritur akuzat “ngacmim seksual” dhe “veprime te turpshme”.
Gjoni u fut në kurth nga një gazetare e një emisioni investigativ. Ajo u shtir si 15-vjecare ndërsa 44-vjeçari tentoi të përfitonte prej saj, pavarësisht se i thoshte se ishte e mitur. Nuk hezitoi që edhe të udhëtonte disa herë për ta takuar derisa në një moment, gazetarja i tha se "15 vjecarja nuk ekziston" ndërsa Gjoni kërkoi falje dhe u largua me shpejtësi.
