Juristi i hipotekës së Lezhës, Bledar Cara është dënuar me 6 vite e 6 muaj burg, i cili akuzohet për tjetërsim prone. Ndaj tij rëndojnë veprat penale “Shpërdorimi i detyrës”, “Falsifikimi i dokumenteve”, Falsifikimi i formularëve, vulave ose stampave” dhe “Shpërdorimi i tokës”, të kryera në bashkëpunim. Ish-juristi u ekstradua nga Italia në korrik të vitit të shkuar.
Cara është marrë i pandehur, në dosjen 339, që ka lidhje me abuzimin e pronave në Tale, Shëngjin dhe Rana e Hedhun. Së bashku me disa të tjerë në bashkëpunim akuzohen se kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetar.
