Kryetari i ri i Këshillit Kombëtar të PD-së të organizuar nga Komisioni i Rithemelimit, Edi Paloka ka folur pas zgjedhjes në këtë detyrë. I pyetur për mungesën e pjesës më të madhe të deputetëve në këtë mbledhje të zhvilluar pasditen e së premtes, Paloka tha se nuk e shihte kështu.
“Ju thoni bojkot, por 211 anëtarë të Këshillit Kombëtar ishin prezentë dhe nuk më duket e tillë” – tha ai.
Paloka u shpreh se nesër do të zhvillohet një protestë e heshtur përpara komisariateve të policisë në rrethe për vetëvarjen e 31-vjeçarit Ilvi Meta në Kavajë. Ndërsa në Tiranë, Paloka tha se do ketë një protestë të heshtur përpara Kryeministrisë. ©LAPSI.al
