Një 34-vjeçare është larguar nga banesa e saj në fshatin Progonat, Tepelenë para 10 ditësh. Ka qenë bashkëshorti që ka bërë kallëzim në polici se e reja ka ikur dhe ka braktisur dhe dy fëmijët e saj. Në një njoftim për mediat policia bën me dije se po punon për gjetjen e 34-vjeçares.
"Specialistët e Seksionit për Hetimin e Krimeve në Komisariatin e Policisë Tepelenë referuan materialet në Prokurorinë pranë Gjykatës së Shkallës së Parë Gjirokastër, për shtetasen A. M., 34 vjeçe, banues në fshatin Progonat, Tepelenë, pasi ka bërë kallëzim bashkëshorti i saj, shtetasi E. M., 47 vjeç, banues në fshatin Progonat, Tepelenë, se bashkëshortja është larguar nga banesa para 10 ditësh, duke braktisur dy fëmijët e mitur. Po punohet për gjetjen e saj", njofton policia.
