Shtetasi Kastriot Dervishaj, 41 vjeç është arrestuar nga policia e Vlorës për pasi ishte shpallur në kërkim ndërkombëtar nga autoritete spanjolle.
Në njoftimin e policisë, njoftohej se vendimi ishte dhënë nga autoritetet gjyqësore në Spanjë dhe akuzat që rëndojnë ndaj tij për veprat penale janë “Trafikimi i lëndëve narkotike” dhe “Kultivim i bimëve narkotike”.
Njoftimi i policisë
Vijon puna për kapjen e personave të shpallur në kërkim ndërkombëtar. Kapet dhe vihet në pranga, me qëllim ekstradimi, një shtetas i kërkuar për kultivim dhe trafikim të narkotikëve.
Në vijim të punës për kapjen e personave në kërkim, nga shërbimet e Seksionit për Hetimin e Narkotikëve në Drejtorinë Vendore të Policisë Vlorë, u bë kapja dhe arrestimi, me qëllim ekstradimi, i shtetasit:
K. D., 41 vjeç, banues në lagjen “24 Maji”, Vlorë.
Ky shtetas ishte shpallur në kërkim ndërkombëtar, pasi autoritetet gjyqësore spanjolle, me vendimin e datës 14.12.2020, kanë lëshuar urdhër arresti ndërkombëtar, për veprat penale “Trafikimi i lëndëve narkotike” dhe “Kultivim i bimëve narkotike”, parashikuar nga Kodi Penal i Spanjës.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi drejt Spanjës.
