Namazi i Fitër Bajramit do të falet në sheshin “Skënderbej” më 2 maj, në orën 06:20. Lajmi është bërë i ditur nga Komuniteti Mysliman i Shqipërisë, i cili ka njoftuar ditën e sotme besimtarët.
“Komuniteti Mysliman i Shqipërisë njofton të gjithë besimtarët se Namazi i Fitër Bajramit do të falet në Sheshin "Skënderbej", më datë 2 maj 2022, ora 06:20”, thuhet në njoftim.
Pas mbërritjes së presidentit të Turqisë Erdogan në janar, u shpresua dhe në përfundimin e punimeve në Xhaminë e re në Tiranë. Madje u kërkua që ajo të hapej për faljen e Fitër Bajramit. Gjithsesi pavarësisht përshpejtimit të investimit ende nuk është e qartë nëse do të inaugurohet në datën 2 maj apo punimet do të vazhdojnë edhe më tej.
