Kryeministri Edi Rama ka sfiduar deputeten e PD-së, Jorida Tabaku, pas debatit që patën në Kuvend sa i përket konsumit të ujit të pijshëm në çezmat e shtëpive në Tiranë.
Pas komenteve të deputetes demokrate se uji në Tiranë nuk është i pijshëm, kryeministri Rama tha se ai do të pijë ujë nga çezma dhe videon do e postonte në “Tik-Tok”.
Dhe këtë të premte nuk ka vonuar kur është shfaqur Rama që ka postuar një video duke pirë ujë çezme (ndoshta në shtëpinë e tij).
Pas kësaj videoje pa reaguar Tabaku që ka publikuar një dokument të Bashkisë Tiranës ku tenderohet blerja e ujit për bashkinë e Tiranës.
“Lodhet ER me propagandë, ja prish filmin EV! Kur qenka uji 24 orë në cdo familje tiranse pse Bashkia Tiranë ble 200,000 Euro ujë të pijshëm në vit për stafin e Bashkisë?”, - shkruan Tabaku.
