Në një dalje për medie, deputeti demokrat Flamur Noka tha ndër të tjera se kriza në Partinë Demokratike do të vijojë për shkak se bashkimi i demokratëve pengohet ndër të tjera nga kryetari i grupit parlamentar, Enkelejd Alibeaj. Noka tha se Alibeaj ka qëllim ta përçajë PD-në.
"Enkelejd Alibeaj nuk ka lidhje me këtë bashkim, vazhdon të përkushtohet lojës së Ramës dhe të Bashës në përçarjen e PD-së. Alibeaj nuk e ka mision atë që kanë demokratët që të dalin më të bashkuar për tu përballur regjimin. U kërkua që të tërhiqte padinë pasi ai nuk mund të flasë në emër të Partisë Demokratike”, është shprehur Noka.
I menjëhershëm ka qenë reagimi i deputetes Orjola Pampuri, e cila i ka konsideruar fjalët e anëtarit të Komisionit të Rithemelimit si gënjeshtra. Pampuri thotë se Noka është duke mashtruar në emër të demokratëve, në një kohë kur gjendja e PD-së kërkon maturi dhe përgjegjësi edhe në komunikimet me mediet.
