Policia e Shkodrës ka dhënë detaje për dy shpërthimet e njëpasnjëshme që tronditën mëngjesin e sotëm kryeqendrën e veriut.
Uniformat blu bëjnë të ditur se rreth orës në derën e supermarketit në pronësi të Florenc Markut në rrugën “Bujar Bishanaku” si dhe në derën e një biznesi tjetër privat butik rrobash në pronësi të shtetasit Xh.B. në rrugën “28 Nentori”, është vendosur lëndë plasëse.
Si pasojë e shpërthimit raportohet të ketë vetëm dëme materiale. Sakaq, grupi hetimor dhe prokuroria ndodhen në vendngjarje dhe vijon grumbullimi i provave, me qëllim zbardhjen e plotë.
Burime bëjnë të ditur se godina në të cilën ndodhet supermarketi i Florenc Markut është në pronësi të familjes Lici. Ndërkohë godina në të cilën ndodhet biznesi tjetër është në pronësi të Xhemal Bushatit, ish-kandidati i Partisë Demokratike për zgjedhjet e 6 marsit.
Njoftimi i plotë:
Shkodër/ Informacion paraprak
Rreth orës 02:20, në derën e supermarketit në pronësi të shtetasit F.M. në rrugën “Bujar Bishanaku” si dhe në derën e një biznesi tjetër privat butik rrobash në pronësi të shtetasit Xh.B. në rrugën “28 Nentori”, është vendosur lëndë plasëse dhe si pasojë e shpërthimit të tyre kanë shkaktuar vetëm dëme materiale.
Grupi hetimor nën drejtimin e Prokurorisë vijon veprimet duke administruar çdo provë dhe duke vlerësuar çdo informacion, me qëllim zbardhjen e plotë të ngjarjeve, identifikimin dhe kapjen e autorit/ëve.
[video width="240" height="132" mp4="https://cdnimpuls.com/lapsi.al/wp-content/uploads/2022/03/WhatsApp-Video-2022-03-26-at-10.04.20-AM-3.mp4"][/video]
