Futbollisti ukrainas i West Ham, Andriy Yarmolenko ka zbuluar në një intervistë se kishte dërguar gruan dhe djalin e tij në Ukrainë një ditë para fillimit të pushtimit rus. Ai tregoi se ka qenë në gjendje shumë të keqe ditët e para të luftës.
“Kur filloi gjithçka, më 24 shkurt, mbërrita në stërvitje dhe as që mund të flisja. Më rridhnin lot. I kërkova trajnerit të më linte të shkoja në shtëpi. Nuk besoja se kjo mund të ndodhte. E dërgova familjen time në Kiev një ditë më parë sepse djali im duhej të vizitohej në një mjek.”
Nuk mund të flija, as të haja, isha vazhdimisht në telefon me të afërmit e mi. Trajneri David Moyes më tha se mund të zgjidhja të stërvitesha ose jo dhe se duhej të bëja gjithçka që mundja për të garantuar sigurinë e familjes sime.
Më duhej të qëndroja profesionist kështu që u ktheva. Thjesht po çmendesha dhe duhej të shpërqendrohesha” - tha 32-vjeçari. Futbollisti ukrainas ka dhuruar një shumë prej 75 mijë euro për Forcat Ushtarake të Ukrainës. ©LAPSI.al
