Ushtarët ukrainas janë duke përfituar nga avantazhi i tyre si vendas. Qytetarët u ofrojnë biskota dhe ëmbëlsira. Armiku i tyre nuk ka një fat të tillë. Ka pasur raporte të trupave ruse duke plaçkitur dhe duke kërkuar ushqime. Fshatarët pranë Kharkiv ankohen se pulat dhe prodhimet e grumbulluara në shtëpi u janë vjedhur.
Ka bërë xhiron një video e xhiruar në një kuzhine të kapur të ushtrisë ruse ku shihen qepë dhe patate. Ndërsa në rrjetet sociale janë publikuar foto të ushqimeve të konservuara që kanë datën e skadencës të vitit 2015.
Një gazetar i BBC që ka shkuar në front thotë se kur takoi ushtarët ukrainas u kërkoi të shohë se çfarë ushqimesh kanë me vete. Komandanti i togës i dhuroi gazetarit të BBC një paketë me racione ditore.
Brenda sipas tij kishte 17 gjëra të ndryshme: qull gruri me mish viçi; supë me oriz dhe mish; çomlek; pulë me perime; mish derri me perime; patatina; biskota; qese çaji; kafe; pije, rrush i zi pa fara; mjaltë; sheqer; piper i zi; çamçakëz; bar me çokollatë të zezë; lugë plastike; peceta të lagura. ©LAPSI.al
